سالخير عليكم


اليـوم جايبـة موضـوع نتكلـم فيه عن يوميـات الادارة الموقـرة : ساسو .. ندى .. نونا .. سارة كات

يارب يعجبكـم يلا نبدأ بس الادارة بلاش تدخل لو سمحتـوا


الحلقه الاولى

- - - - - - - - - - - - - - -

نونا اول ما قامت من النوم لقيت الموبايل بتاعها بيرن

فلقيت ساسو الادمن بتاع المنتدى بيتصل بيها

نونا::اصطبحنا واصبح الملك لله ......صباح الخير يا فندم

ساسو: خير هييجى منين الخير

انتِ سايبة المنتدى ونايمة الله يخرب بيت اللى شار عليا الشورة السودة دى انى امسِكك مراقبة انتِ متنفعيش حتى تبقى عضوة موقوفة

اقولك اية بس

نونا : ليه بس يا فندم دا انا حتى مغسلتش وشى ودخلت على طول على المنتدى شوفت اد اية انا بضحى

ساسو : بتضحى عموما ادخلى شوفى الأقسـام ودا اخر انذار ليكِ

وانتهت المكالمه نونا طبعا مضايقة وبتقول انا ايه بس ياربى اللى دبسنى التدبيسه السودة دى ماكنت عضوة أحسنلى المهم دخلت على الرسايل الخاصه بتاعتها بقى لقيت الرسايل دى


الرسالة الاولى

السلام عليكم ...ازيك نونا .
. بقولك أنا اضفت موضوع بس معرفش شكله نزل ثلاث مرات بالغلط أحذفى أي واحد فيهم .
. اللي يعجيبك أنت بس احذفى

نونا : هحذفهملك كلهم ان شاء الله
=======================

الرسالة الثانية

مرحب مراقبتنا ..
... بقلك شوفى : في عضو قاعدلي كل موضوع يرد عليا ويهيني قدام الأعضاء .
.. لو ماسكتوش هعمل حاجه محصلتش.. واقلبلكم المنتدى .. وقد اعذر من بنجر ...
=======================
الرسالة الثالثة

يا نونا ألحقيني .
.. كل ما أدخل المنتدى يطلعني بره .
.. ومش راضي يدخلني ايه الحكاية شكلها كدة الدخول. بفلوس ....

نونا: ما هو الفقرى فقرى
=======================

الرسالة الرابعة

هاى نونا.
.. ممكن لو سمحتى تعدلى اسمي من حلوة المنتديات الى ملكة جمال المنتديات
نونا: دى مالها دى مصدقة نفسها كدة ليه
=======================

الرسالة الخامسة

هاي عمري .
.. يارب تكونى مبسوطة
.. بصراحة شخصيتك عاجباني ولكِ هيببة في المنتدى بس ياريت يعني اذا عملت موضوع ثبتهولي
..على فكرة انا زعلان محدش بيثبتلي مواضيعي

نونا :وانا مال اهلى انا محدش بيثبتلك مواضيعك متتحرق انت و مواضيعك والمنتدى فى ساعة واحدة
=======================

الرسالة السادسة

هقلك على حاجة : مش هسلم عليكِ ولا حاجة انتِ أصلاُ ماتستاهليش كل ما اعمل موضوع تحذفهولي .
. عجيبة والله ...

نونا : انت مواضيع وشك رخمة اصلا
=======================

الرسالة السابعة

مساك زي الفل يا سوبر ستار المنتدى ...
بصراحة انا مكسوف منك عايز أطلب طلب بسيط .
.. يعني انا عايز اعرف ازاي المشرف بيتعامل مع المواضيع و ايه الطريقة يعني بالعربي الفصيح .
.ولوحة التحكم بتاعتك عاوز اعرفها كلها

نونا: مش عاوز الباسورد بتاعى بالمرة
=======================

الرسالة الثامنة

انتِ زودتيها ..
. شايفة نفسك علينا وكل مانكلمك ما تديناش وش
.. المراقبة والادارة مش يعني بقيت ملك ..
. اختشي على دمك بقى .. قال مراقبة قاال .
.. اقولك : روحى هاتيلي واحد شاااي

نونا : الى ميعرفش يقول عدس
=======================

الرسالة التاسعة

حبيبة قلبى... ازيك حبي .. عرفتيني ؟؟ أنا أمورة .. واحشتيني اوي ... اقلك كلميني على الياهو ضروري ... بااااااااااي
نونا : فاضية انا بقى .. ولا أقولك فاضية وهى أحلى تبنيد مع لون بنى أنيق وحجم عائلى
=======================

الرسالة العاشرة

لو سمحت والنبى يا ارق بنوته فى شاب موجود على المنتدى ياريت تبقى تبعتيلى ايميله على ايميلى وليك الحلاوة طبعا

نونا : حد قالك علينا فاتحنها خاطبة

...
=======================

هنشوف فى اليوم التانى عمل اية مع باقى أعضـاء الادارة

بس مش دلوقتـى خلونـى أنسقـه وبالمـرة نشوف ردة فعلكـم

d,ldJJhj lavtdJJk hw]rhx h,k ghdk lavtdJJk hw]rhx