بسم الله الرحمن الرحيم
توكلنا على الله ولا حول ولا قوة الا بالله
العلى العظيم
وانا بمخمخ كده فى بيوت الجيران اللى جنبنا على طول دى كل اما ادخل
بيت منهم ياختى انتى وهوا الاقى كلام منعنش كده ومحركش كده ويفطص من الضحك
المهم قولت ياواد ياشرقاوى الناس اللى هنا دى مالها كده كل واد وبت منهم عايشين الدور ياخويا
واللى عمال يتكلم عن الف وموش لف ياخويا ال حب ال هما العيال بتوع الايام دى بيعرفوا يحبوا تك نيلا
منك لها والبت والواد التانيين اللى لازقه ياخويا صوره بت بتعيط عيطو عليها بدرى هيا ناقصه اكتباء تك قرف
منك لها المهم قولت ياواد ياشرقاوى متعمل موضوع كده ينعش كده الناس اللى هنا دى بدل الكئابه اللى هما فيها
دى وانا بفكر كده طبعا هتقولوا عاملنا فيها عبقرينو ياعم ايوه عبقرينوا غصب عندك انتا وهيا ياعم العبقرينو
لاقيت اختى داخله عليه القوضه ومعاه طبق اتخضيت من شكل اللى فى الطبق فبسألها ايه دا ياختى قالتلى
اندومى قولتلها طيب على اساس ان الاندومى الانتيم بتاعى بقا المهم كان طعمه وحش اوى اكلت منه غصب
عنى لو حد عايز يجيبه بجنيه وربع من عند الواد هانى اللى على باب الشارع بتاعنا كلت البتاع دا وقولت بقا
اقعد علشان امخمخ بقا كده قومت شغلت اغنيه مشتاقه ليك حبيبى بتاعة ليلى غفران وبدات بقا اركز فى الموضوع
اللى هكتبه وشويه لاقيت امى بتنادى عليه يامحممممممممممممممممد نعم نعم تعالا خد صوبع باطاطا المهم روحت واكلت
البطاطا وقلت اما اتفنن بقا فى كلام كده ياختى انتى وهوا اما تقريه كده بتحسى بانتعاش من جوه بيبقى حلو كده ومسكر
مش عارف ليه وتلاقى نفسيتك كده انتى وهوا فتحه بوئك كده وبتضحكى لوحدك كده ولو حد دخل عليكى يقول انك اتهبلتى
علشان كده قولت اما اتكا على البتاع اللى هوا بيفتح صفحه ويقولى ارسل دا ونرغى مع بعض شويتين ونقول كلام وننقل كلام
من غير مانقول فيها متى وكيف والى واين نخلى البساط احمدى ياعنى علشان النبى عربى وصلوا على النبى بقا
على فكره انا بتكلم 64 لغه من غير العربى بس بحب اتكلم بالطريقه دى زى نحكشة الفراخ كده
عشان بتبقى حلوه اوى ولا نتوا موش معايا فى الكراسه دى بقا هنكتب ونقول كلام مطرقع
من العيشه اللى احنا عيشنها هنلطش شويه من عند ام تامر وشويه من عند ام هيثم
وشويه ندردش احنا كمان استنونى واوعوا تقفلوا التلفزيون مع نحكشة فراخ
انذار اللى هيكتب رد بالشكر هأكله اندومى الوحش دا
واللى عنده فكره مطرقعه ولاحاجه يكتبها
بس لازم تكون نحكشه بردوا مايعمليش فيها
ابو العريف افندى المثقف
امشوا
بقا
kp;am tvho tvh] kp;am
للمزيد من مواضيعي